A participación no programa Galicons-net supón a realización de proxectos sobre consumo responsable e a calidade de vida para o desenvolvemento dos valores e competencias básicas das distintas etapas educativas. Galicons-net ten como obxectivo potenciar a educación para o consumo responsable nos centros escolares da Comunidade Autónoma Galega.
O noso centro desenvolveu este programa durante este curso escolar 2013-14, e dentro do programa Galicóns do Plan Proxecta eliximos a vertente:
Publicidade: onte, hoxe e mañá.
Traballamos sobre os discursos publicitarios con causa social como argumento de formación de conciencia crítica, sobre a participación cidadá e a prevención de condutas de risco en relación ás problemáticas sociais que caracterizan o momento actual.
A combinación "publicidade con causa social e educación" supera o ámbito dos contidos para entrar nunha formación ética que cre na capacidade desta "publicidade de transmisión de aprendizaxes" que transformen a realidade social.
Na Primeira fase fixemos un percorrido audiovisual de contidos publicitarios dende os anos sesenta ata os nosos días.O noso obxectivo común: PRIMAR O FIN CÍVICO-SOCIAL POR ENRIBA DOS OBXECTIVOS DE MERCADO (ECONÓMICOS)
O alumnado investigou e tirou as súas propias conclusións. Dous exemplos:
Expuxeron estes traballos @s compañeir@s de 1º da ESO. Pero non quedaron aí! Realizaron tamén a súa propia publicidade con causa social:
ALMUDENA LACOMBA MARURI
