sábado, 23 de marzo de 2013

viernes, 22 de marzo de 2013

ANALIZANDO A COMPOSICIÓN E A DISTRIBUCIÓN DA MATOGUEIRA E DO ESTRATO ARBÓREO


INTRODUCIÓN
 
Nunha sociedade en continuo cambio, como a que nos tocou vivir, deixamos de abraiarnos polos avances da ciencia e da tecnoloxía.




A estatística desempeñou un papel primordial neste desenvolvemento, ao proporcionar ferramentas metodolóxicas xerais para analizar a variabilidade, determinar relacións entre variables, deseñar de forma óptima experimentos e mellorar as predicións e a toma de decisións en situacións de incerteza.

O razoamento estatístico é un compoñente esencial da aprendizaxe.

Trataremos os seguintes contidos matemáticos aplicados ao noso proxecto:

- Frecuencias absolutas e relativas, ordinarias e acumuladas.

- Diagramas estatísticos. Análise dos aspectos máis salientables dos gráficos.

- Medidas de centralización: media, mediana e moda. Utilización da media, a mediana e mais a moda para realizar comparacións e valoracións. Utilización da folla de cálculo para organizar os datos, realizar os cálculos e xerar os gráficos máis adecuados.

As variables estatísticas obxecto do estudo serán:

a) O número de fentos, toxos, árbores e arbustos por metro cadrado.
b) As alturas e áreas basais de árbores da contorna.



Medicións a realizar para recoller datos

1. Medición da altura dunha árbore

 Método do xardineiro

1.   Colocarse a unha distancia coñecida do obxecto cuxa altura H se quere medir, neste caso a árbore.   Chamamos D a esa distancia.

2.   Estender o brazo mentres se sostén unha regra verticalmente á altura dos ollos. Chamamos d á distancia entre a man e o ollo.

3.  Pechar un dos ollos e determinar co outro a cantos centímetros da regra corresponde a altura da árbore. A esa lonxitude medida na regra denominámola h.
Por semellanza de triángulos obtense que H/h = D/d. Desta relación obtense que a altura da árbore é:

                                H = h.(D/d)


 
 
 
 

ROSA GÓMEZ


Velaquí as fotos que se tomaron na realización desta actividade:




Grupo de alumnas medindo a distancia do pao ao ollo



Buscando a distancia adecuada para que a imaxe do pao solape
perfectamente a imaxe da árbore







TRANSFORMANDO E MELLORANDO A NOSA PAISAXE

PLAN PROXECTA.
12 MESES, 12 PAISAXES

Unha vez rematada a adecuación do noiro do que xa falabamos nun post anterior, o alumnado de 2º ESO A, dividido en grupos de cinco, apadriñou unha zona da nosa finca e elaborou un boceto de como lle gustaría que quedase a súa parcela. No terceiro trimestre poñerémonos mans á obra sobre o terreo. De momento, velaquí tedes neste vídeo un dos traballos sobre o papel do traballo que teñen proxectado realizar.

ALMUDENA LACOMBA MARURI

domingo, 3 de marzo de 2013

miércoles, 13 de febrero de 2013

ENTROIDO 2013 NO CARLOS CASARES

 PREMIOS ENTROIDO 2013

INDIVIDUAL:
O ANANO: MANUEL LISTE REIRIZ (1º BACH E)

COMPARSAS (PREMIO EX AEQUO):
- SUS PERIFRÁSTICAS MAJESTADES:
    - MARTÍN, JESÚS, FABIÁN, CARLOS e FARALDO (4º ESO)
- PHINEAS Y FERB:
   - CRISTINA, SARA I., ANIANA, CARMEN, CARLA, ALBA B.  e NATALIA (3º ESO)

PREMIO ESPECIAL DO XURADO E DO PROFESORADO PRESENTE:
YAGO GUIRADO (2º BACH):
POLA SÚA ENTREGA E COLABORACIÓN EN TODOS OS FESTIVAIS E POLO SEU PASO POLO NOSO INSTITUTO, SEMPRE COLABORANDO E CO SEU INIMITABLE E DESTERNILLANTE HUMOR
































































 
 
 
 
 
 
 
 
 










































































 






 
 
 







 

sábado, 19 de enero de 2013

2º ESO PARTICIPA NO PLAN PROXECTA: "12 MESES, 12 PAISAXES"

 
 
O alumnado 2º de ESO e mais un grupo de profesores, coordinados todos polo noso profesor de Ciencias Naturais MIGUEL VALIÑO, estamos traballando no proxecto "12 MESES,12 PAISAXES" dentro do plan Proxecta da Consellería de Educación que consiste na valorización, adecuación e mellora do noso recuncho forestal.

Todo comezou a finais de novembro cando viñeron a asesorarnos e empuxarnos un poco para empezar este ambicioso proxecto interdisciplinar.

Este pasado luns día 14 de xaneiro, o alumnado de 2º ESO A e C comezaron as tarefas de "campo" co noiro das pistas de deportes, que está moi estragado e está a se derrubar. Primeiro os forestais encargados da poda e coidados da finca explicáronnos o que tiñamos que facer. Cos restos da poda construímos unha contención que cubrimos co compost que almacenamos na parte baixa do centro (aparcadoiro do profesorado), estelas de madeira e terra. Nas fotos pódese ver como trasladamos o compost e como facemos a cadea humana para levar a terra que estamos sacando contigua ao muro para dificultar así a entrada de estraños na nosa finca.

A semana que vén (se o tempo o permite) será o alumnado de 2º ESO B quen siga coa tarefa comezada e terminaremos plantando no noiro herba de Castela, para que quede verde e fermoso.

ALMUDENA 





 
 
 
 
 
 
 
 
 
 
 
 
 
 
  

 


 
 
 
 
 
 
 
 
 
 

miércoles, 9 de enero de 2013

NO INSTITUTO MONTAMOS UN BELÉN...

Pois si, queridiños e queridiñas, pois si... No instituto montamos un belén... para celebrarmos as vacacións de Nadal. A idea, dentro das actividades de Plástica e auspiciadas pola Vicedirección, foi de parte do alumnado de 3º ESO A. A cabeza pensante do asunto e autora do boceto foi SARA FERNÁNDEZ COSTAS, logo, coas súas amigas CARLA SÍO, ÁNGELA RODRÍGUEZ, CRISTINA PRIETO e ANIANA CASTRO levaron a cabo tan orixinal idea, reivindicativa e rompedora. E velaquí as cinco retratadas con cadansúa figuriña do belén. Xenial idea e xenial traballo!