Velaquí algún carteis que o noso alumnado de 1º ESO C fixo para CONSUMÓPOLIS, actividade na que estamos inmersos dentro do PLAN PROXECTA.
O noso centro ganou o 2º PREMIO da
categoría de 1º Ciclo da ESO. O equipo ganador, CASARES 2”, estaba composto por
alumnado de 1º ESO C: ÁLEX VÁZQUEZ, NURIA
GONZÁLEZ, TOMÁS CASTRO,AINHOA DOMÍNGUEZ e DAVID VILLAR. Título do traballo "
Mercadeporte". Profesorado implicado: FERNANDO
VARELA (Educación física), LOURDES
(Lengua Castellana e titora), Educación Plástica (ALMUDENA). Velaquí o cartel ganador:
QUE É O PLAN PROXECTA? É un novidoso plan da Consellería de Educación que fomenta a innovación educativa a través de programas das diferentes consellerías que promovan o traballo colaborativo e por proxectos.
Os proxectos elixidos polo noso centro son: SALVAVIDASe CLASES SEN FUMEda Consellería de Sanidade, nos que temos xa experiencia doutros anos. 12 MESES 12 PAISAXESe METEOESCOLASda Consellería de Medio Ambiente, Territorio e Infraestruturas. CONSUMÓPOLISda Escola Galega de Consumo. QUÉROTE+ da dirección Xeral da Xuventude. http://www.edu.xunta.es/web/planproxecta Destes traballos xa vos fomos dando conta en distintas entradas deste noso blogue.
O noso centro presentouse ao CONCURSO DE BANDA DESEÑADA "HISTORIAS DE MILU" (personaxe creado por MANUEL RIVAS, publicado na Ed. KALANDRAKA) convocado pola Secretaría Xeral de Política Social e en colaboración coa Fundación Meniños. Dos catro premios convocados, o noso alumnado foi merecedor de tres deles. Os gañadores e gañadoras foron:
1º Premio categoría individual SARA FERNÁNDEZ de 3º ESO A co traballo " O novo mundo de Milu ". 1º Premio categoría colectiva ANABEL FERNÁNDEZ e JAVIER RÍO de 1º ESO A polo traballo "Lévame contigo". 2º Premio REBECA e RODRIGO LEGERÉN de 1º ESO A polo traballo "E comeron regalices".
Compartimos desde aquí as actividades creativas realizadas polo alumnado de 1º ESO para Clases sen fume dentro do Plan Proxecta. Estamos orgullosos do resultado como exemplo de traballo colaborativo tanto na aula como fóra dela, así como entre o profesorado. Con este tipo de proxectos traballamos as competencias básicas de maneira eficaz e diferente, de maneira xeral procurando información, elixindo as tarefas, buscando a colaboración entre o alumnado, cooperando, relacionando o "mundo exterior" co "mundo escolar", promovendo o pensamento crítico e a iniciativa persoal. E de maneira específica co compromiso de non fumar e de "publicitar" as vantaxes do non consumo para o resto da comunidade educativa.
O GRUPO DA BIBLIOTECA, dentro do seu programa de actividades, organizou, con motivo do DÍA DEL LIBRO, A FEIRA DO TROCO. Nesta actividade podía participar toda a comunidade educativa, incluídas as familias do noso alumnado e consistía en entregar un máximo de tres libros na BIBLIOTECA, a cambio dos vales correspondentes, para poder logo intercambialos por outros tres como máximo de entre todos os recollidos. A participación na actividade foi masiva, chegando a intercambiarse máis de duascentas obras, a inmensa maioría delas de excelente calidade, tanto literaria como no referente á súa edición. Tal como quería o Grupo da Biblioteca, a Feira do Troco foi toda unha festa, e así estaba ambientada. O vestíbulo do instituto estivo ateigado de xente durante os dous recreos. Os participantes foron agasallados con pasteis, lambetadas e chuches dun orixinal pastel literario con piruletas nas que aparecían impresas en tinta comestible sobre obleas os máis representativos títulos da literatura galega e castelá. Esperemos que haxa sucesivas edicións desta feira, dada a participación e a expectación que xerou. BOAS LECTURAS!