martes, 22 de diciembre de 2009

FESTIVAL DE NADAL




Onte, luns 21 de decembro, celebramos no ICC (IES Carlos Casares) o Festival de Nadal.
Había tempo que non se organizaba tal festival, pero houbo petición por parte do alumnado para que se fixese e como había actividades posibles e as circunstancias así o permitían, ao final celebrouse.
A verdade é que o pasamos ben. Houbo concursos: primeiro un de TÚ SÍ QUE VALES!, e logo outro de KARAOKE, para o que previamente se expuxeran nos taboleiros do vestíbulo onde se anunciaba a festa as listaxes e cancións que se podían escoller.
Cantamos, bailamos, saltamos... en fin, despedimos ben o ano.
Os gañadores dos concursos foron:
TÚ SÍ QUE VALES!: YAGO GUIRADO RODRÍGUEZ (4º ESO B), con unha excelente e moi aplaudida exhibición de yo-yo
KARAOKE: Un grupo de alumnos e alumnas de 1º BACH D, que interpretaron un orixinal e ben executado "Soño de Nadal" .
QUE TEÑADES TODAS E TODOS UNHAS BOAS VACACIÓNS DE NADAL!

viernes, 11 de diciembre de 2009

Educación firma un acordo con Microsoft para adquirir ordenadores con Windows

O estado firmou un acordo con Microsoft para a adquisición de ordenadores portátiles, parte do plan "Escuela 2.0", un total de 2.000 portátiles, e outros 2.000 o ano que ven. Seranlles condedidos, polo de agora, a estudantes de 5º e 6º de Primaria.

A idea dos ordenadores parece boa, pero o sistema que levan?

Pola primeira parte, é un excesivo custo económico. Hai que mercar unha licencia de este sistema por portátil, ou por cabeza. GNU/Linux non é gratuíto?

Segundo, o monopolio actualmente existente extenderase.

Terceiro, os problemas que poden conlevar. O máis probable é que cada curso escolar que pase, teñase que realizar un formateo en cada un deses ordenadores, pola incalculable cantidade de porcallada que poida acumular este sistema (virus e todo isto polo estilo).

"As habilidades tecnolóxicas deberían ser incorporado no proceso educativo dos nosos mozos. Microsoft pasou anos a desenvolver ferramentas de software altamente competitivo, as experiencias pioneiras de aulas do futuro e as iniciativas que deben axudar a estudantes, profesores e pais foron Español e no resto do mundo para vivir unha experiencia completamente transformada educativo co poder de Tecnoloxía da Información. As accións de Microsoft plans do Ministerio na súa Escola 2,0 iniciativa e é absolutamente comprometidos co obxectivo común de mellorar o proceso de aprendizaxe mediante a utilización de ferramentas tecnolóxicas na clase."

Con esta frase pódese ler a Nota de prensa que aparece na páxina web do Ministerio de Educación.

Ferramentas de software altamente competitivas? Non hai nin que ver os fallos que ten o software de Microsoft. Seguridade pésima, problemas, que hai que aplicarlle un mantemento regular, ademáis de que é software pechado e hai que pagar.

Experiencias pioneiras? Coma non sexa en roubar.

Está absolutamente comprometida Microsoft? A comunidade de xente que desarrolla GNU/Linux é moi grande e boa, e obten uns magníficos resultados, xa que realiza software de código aberto, e calquera pode melloralo. E ista comunidade estaría encantada de realizar este traballo, aínda sen recibir ningunha compensación económica a cambio. O compromiso de Microsoft é grazas ao maletín, por algo é unha multinacional que desarrolla software pechado, de mala calidade, con moitos problemas, que non innova, fai monopolio, e recibe diñeiro a cambio.

jueves, 19 de noviembre de 2009

ALUMNOS DE 3º A e B VISITAN O CASCO VELLO DE VIGO




3º A e B DA ESO VISITAN O CASCO VELLO DE VIGO

O martes 17 de novembro, os alumnos e alumnas de 3º A e 3º B fomos visitar o Casco Vello e Centro Histórico de Vigo, dentro do programa Vigo por Dentro da Concellería de Educación do Concello de Vigo, dedicado a estudantes dende os 3 anos.
O autobús deixounos fronte ao porto, ao lado do centro comercial A Laxe. Cruzamos e o primeiro que vimos foi o anaco da antiga muralla de Vigo semisoterrada baixo terra, e protexido por un cristal. Si, si, no que botan moedas. Unha monitora ía explicándonos cousas do que iamos vendo. Explicounos que alí estaba a Porta da Laxe, que durou uns 200 anos en total, e que era chamada así porque unha pedra semisoterrada na terra (o que se chama “laxe”) serviu como unha pedra máis das da muralla.
Subimos a costa (que cansanzo, se acabamos de comezar a excursión!) e quedamos na Baixada á Fonte. O nome debíase a que era unha baixada, e no final dela, había unha fonte, na que os habitantes de Vigo de antano ían a por auga para o consumo doméstico, pois non había auga corrente. Daquelas existía o oficio de augador que consistía ir repartindo auga polas casas, traballo que era remuneradao, obviamente, un oficio máis.
Subimos a baixada, que paradoxal!, para ir á rúa Olivo, que está ao final da Baixada, baixando non, subindo. Recibe ese nome porque no final dela, peto da igrexa de Vigo, a cocatedral, había un olivo. Nun lado da baixada, hai unha casa con moita vexetación pola fachada, que pertencía a un importante señor. No outro lado da rúa, unha coas ventás vermellas; alí é onde comezou a publicación do Faro de Vigo, no soto desa casa, onde estaban as imprentas. Ao principio o periódico era publicado dúas veces por semana, e era máis de “opinión personal”, non de noticias “serias”.
Baixamos dende esa rúa por outra máis estreita, a Rúa do Cárcere Vello, un cárcere civil onde os presos pedían limosna polas ventás. Dobrando, ao final da rúa, hai unha especie de “exposición”, que ten un anaco dunha vella calzada. Entramos grazas a que estaba a señora da limpeza fregando (non fregara todo, menos mal). A calzada consistía nunhas pedras grandes dispostas nos lados da calzada, e a propia calzada, estaba constituída por unhas pedriñas moito máis pequeñas (grava miúda).
Continuamos camiñando e chegamos á Porta do Mar. Ao redor desa porta estaban os mariñeiros, pescadeiros e feirantes vendendo o peixe. Era tamén onde se preparaba e salinizaba o peixe, e claro, quitábanselle as escamas, que quedaban polo chan, e debía de deixar un cheiriño... e máis aínda en verán. As casas dos mariñeiros tiñan dúas plantas: a baixa, que era para gardar os utensilios, e a alta, onde vivían.
Subimos de novo ata a Praza da Pedra. Antes era onde se reunía o Concello Aberto, é dicir, non se reunían nun edificio. Tamén era onde se facíanse feiras, e vendíase peixe entre outros (tamén venderían verduras, alimentos...).
Unhas rúas máis, andando, andando... vimos a casa onde se imprimiu a primeira edición de Cantares gallegos de Rosalía de Castro. A imprenta era de Juan Compañel (todo isto o pon nunha placa).
Continuamos pola praza Balmeira, que tamén se coñece pola praza das Cebolas. Están alí os dous edificios civís máis antigos de Vigo. A propiedade da familia indicábase cun escudo de pedra sobre a fachada das casas.
Seguimos pola Igrexa da Colexiata e a praza da Constitución, cos seus soportais, que servían para poder facer feira ata cando chovía. Era unha praza onde se reunía toda a xente (en fin, toda toda tampouco, pero era unha “referencia”). Tamén estivemos parados diante do antigo edificio do Concello. Deseguido baixamos un pouco e estivemos observando o edificio da actual Biblioteca Central, que antes diso foi un banco, un casino, un local comercial...
Subimos todo, pasamos un túnel (que actualmente, e por desgraza, serve para ouriñar) e fomos dar á praza da Princesa. Finalmente, pasamos pola Porta da Gamboa (rúa Gamboa), por onde se supón que comezou a reconquista da cidade aos franceses, e chegamos de novo ata onde nos deixara o bus.
Foi entretido, aprendimos cousas novas e refrescamos o sabido.
DAVID LORENZO (3º ESO B)

OS 1os. DA ESO EN CINENSINO


1º da ESO EN CINENSINO

O pasado día 5 de novembro os rapaces e rapazas de 1º da ESO, acompañados de Lola, realizamos unha saída ao cine Salesianos, para ver a película City of Ember. En busca de la luz, primeiro filme das tres proxeccións do ciclo “Cinensino”. Este programa ten como finalidade evitar a drogodependencia dos mozos e mozas adolescentes antes de que estes cheguen a probalas, e utiliza o cine como base.

Unha vez sentados nas butacas, o coordinador do programa dirixiunos unha breve explicación dos principias aspectos da saída. Os alumnos e alumnas deberiamos prestar moita atención á película, xa que despois teriamos que traballar nun caderno de exercicios con preguntas sobre o citado filme. Tras isto, e sen máis preámbulos, comezou a proxección.

A película non estaba mal. Narraba as aventuras de dous rapaces nunha cidade subterránea coñecida como Ember. A idea era boa, o ritmo trepidante e a ambientación estaba moi ben conseguida, facía que te sentises dentro da propia urbe. Os efectos visuais eran bastante bos, e os actores non o facían mal. Con todo, decepcionaba un pouco, xa que despois dun comezo prometedor, a trama non estaba totalmente pulida, e daba a impresión de que algunhas cousas estaban feitas á carreira. Resumindo, é un filme entretido, que gustará aos seguidores das aventuras estilo Las crónicas de Narnia ou similares, pero que prometía máis do que en realidade podía dar.

Unha vez rematada a peli, só quedaba volver. Foi unha mágoa que aquela divertida excursión non durase máis, pero o pasamos… de cine.


DIEGO MOJÓN ÁLVAREZ 1º ESO A

jueves, 5 de noviembre de 2009

3º C-D VISITA FARO DE VIGO




Hoxe, xoves 5 de novembro, os alumnos e alumnas de 3º C e mais os de 3º D fixemos unha saída educativa ás instalacións de FARO DE VIGO. Nesta excursión fixemos moitas cousas: ensináronnos a hemeroteca electrónica e dixéronnos que o Faro de Vigo é un dos xornais máis antigos do mundo, un dato curioso, verdade? Ao chegar, un señor forneceunos información sobre o xornal, despois ensinounos un documental que narraba a historia do Faro. Díxonos tamén que o xornal pertence actualmente a unha empresa chamada Prensa Ibérica que na actualidade conta con máis de 17 xornais. Logo ensinounos a rotativa onde se fai o Faro. Todos quedamos abraiados e cando a cousa non se podía pór máis interesante, chegamos a un sitio onde había uns rolos de papel que se os estirásemos chegarían dende alí ata Santiago. Eu quedei abraiado. Despois de todo isto, déronnos uns agasallos e nós, abraiados, fomos cara ao autobus.

Eu penso que foi uha excursión espectacular e que o listón das excursións agora quedou moi alto.

TEXTO: JULIÁN MOSQUERA GUIMERÁNS, 3º C
FOTOS: YERAY ROCHA ESTEBAN, 3º C

VISITAS A LOCALIA E A RADIO VIGO

No pasado mes de outubro, os alumnos e alumnas de 2º ESO A visitaron os locais e os estudios de Localia e de Radio Vigo para coñecer in situ como se realiza un programa de televisión e un programa de radio. Eles mesmos fixeron unhas cuñas publicitarias do noso instituto en Radio Vigo e presentaron, ficticiamente, un moi coñecido programa de música para a mocidade. En Localia, foron obxecto de varias gravacións en grupo e viron trucos de emisión, amais de coñecer o funcionamento dun estudio de televisión. A ver se algún ou algunha nos sae técnico en medios de comunicación!

viernes, 30 de octubre de 2009

SAMAGOSTÍN 2009: UNHA FESTA DE MEDO NO INSTITUTO







Vai xa, pouquiño e pouco, creando tradición no noso centro esa mestura da nosa tradicional festa galega do SAMAÍN coa non menos tradicional e larpeira festa do magosto. A verdade é que algúns de vós, xa o sabiamos, tedes imaxinación e, polo que se ve, tempo abondo para montardes eses terroríficos disfraces, sanguinolentos e thrilleanos. E que dicirmos das cabazas artísticas?! En número, se cadra, non medraron moito pero en estilo, imaxinación e mestura do tradicional co moderno a calidade artística das cabazas gozou dunha estimable medra.

O salón de actos cheo ata a bandeira, a participación tan numerosa coma anos anteriores e, vós xulgaredes, pero sangue, sangue había un chisquiño máis este ano, non?

E a crecente calidade dos nosos musicais... excelente!, tanto o musical das Bruxas como o gañador de Thriller.

Seguimos degustando eses saborosos doces e tortas que fan as vosas nais e pais (ninguén cre que as fagades vós, xúrovolo), vendidos en xenerosas porcións.

Velaquí a lista de ganadores desta edición do Samagostín:

1º PREMIO DE CABAZAS: JOSÉ BERNÁRDEZ COSTAS (2º ESO A): Cabaza-robot

1º PREMIO DISFRACES: O MUSICAL THRILLER: 1º D BACH

2º PREMIO DISRACES: VIÚVA DE BRANCO: ÁNGEL SOTO ROMÁN (1º E BACH)

3º PREMIO DISFRACES: TOMÁS, de "EL ORFANATO": ANABEL ABALDE CAMPOS (1º F BACH)

NORABOA A TODOS OS PREMIADOS!




miércoles, 28 de octubre de 2009

O IES CARLOS CASARES, GANADOR DO PREMIO FEGAMP DE DEBUXO




O pasado venres 16 de outubro, no noso salón de actos, levouse a cabo a entrega de premios do concurso de Debuxo e Fotografía "E ti... que pintas no medio?", organizado pola Federación Galega de Municipios e Provincias (FEGAMP). Foi elixido o noso centro para o acto de entrega en recoñecemento ao traballo colectivo presentado. O xurado decidiu outorgarnos o premio conxunto, valorando tanto o traballo artístico como o labor pedagóxico desenvolvido polo profesorado no ámbito da protección do medio ambiente. Noraboa ao alumnado e ao profesorado que participastes neste concurso!
A prensa de Vigo fíxose eco do evento, como podedes ver:
www.lavozdegalicia.es/vigo/2009/10/16/0003_8040720.htm

martes, 30 de junio de 2009

Selectividade!!


Xa saíron as notas de selectividade.
Podes consultalas aquí.

viernes, 26 de junio de 2009

REMATADA A SELECTIVIDADE, QUÉDANOS OUTRA TAREFA...

Xa rematamos a Selectividade. Agora temos unha tarefa importante: buscar carreira que estudiar, averiguar sobre becas, residencias... Aquí tes algúns enlaces (só abren con Iexplorer):

algúns sitios en INTERNET onde podes conseguir informacións.
- Toda información sobre estudios superiores (becas, ...)
- Buscar carreiras (por universidade, por localidades, notas de corte,...)

martes, 23 de junio de 2009

FELIZ ANIVERSARIO

O pasado venres, 19, o noso instituto estivo de ANIVERSARIO: cumpriu 25 anos. Casi nada! Foi emocionante volver a verse antiguos alumnos (hoxe profesionais, ou en camiño de selo, de diferentes, múltiples e variadas profesións) con profesores actuais e outros que xa estiveran no noso centro. Había anécdotas para "dar e tomar". Non dabamos rematado de contar as aventuras, os recordos... A verdade e que o pasamos todos e todas moi ben. Quedáronnos ganas de repetir... O FARO DE VIGO de hoxe saca un artigo sobre o evento. Podédelo ler aquí.
Xa hai algo que nos une: ser do IES MEIXOEIRO ou, agora, CARLOS CASARES.

lunes, 22 de junio de 2009

Por qué usar Jabber (XMPP)

Actualmente MSN é o protocolo máis empregado para relacionarnos vía online coas nosas amizades. Pero á súa vez estamos atados a unha compañía que nos obriga duramente a un contrato.
Pero hai máis vida despois do MSN. Existe XMPP que é un protocolo libre, formado por Jabber e GTALK (GMail). O protocolo XMPP é un servizo público, libre e gratis. Permite mensaxería instantánea, chat e voz.

¿QUÉ TEN DE MALO MSN?
A rede MSN é privada, e propiedade dunha empresa (Microsoft), que obriga a usar o seu servizo a ordenadores con sistema Windows, e obliga a que actualices o seu programa cando e como eles deseen. Por exemplo, os usuarios con Windows 95 quedaron sen MSN.
Aínda que existen alternativas gratuítas (e a maioría libres) ao programa establecido por Microsoft, non son nin oficiais nin están aceptados pola compañía, e só existen grazas aos programadores que interveñen dando seu tempo e exforzo en programar estes programas, que non é nada doado. E nunca conseguirase compatibilidade ao 100%.

Outro bloqueo de depender totalmente do MSN é que é unha rede centralizada. Tódolo mundo depende directamente de que esta rede esté acesa, e se deixa de funcionar (caen seus servidores), ninguén poderá falar con ninguén. En Jabber isto, aínda que sucedese, non podería causar estragos, pois existen moitísimos servidores de XMPP/Jabber, compatibles todos eles entre sí... pois poderemos ter contas "de reposto" en outros servidores.

MEUS AMIGOS USAN MSN
O problema é ese, que un gran porcentaxe de xente o emprega, polo que aínda que nos agrade XMPP teremos que usar MSN se queremos falar con amigos que empreguen MSN... Porque MSN só comunícase con MSN (e Yahoo-Messenger). Por ista razón, MSN extendeuse monopolísticamente por España, polo que estamos atados a unha empresa. Isto é negativo, pois non se innova nada, e ao estarmos atados a esta compañía, temos que aceptar seus contratos, e empregar seus servizos como desexen...
Pensemos no caso da telefonía móbil, é coma se unha empresa de telefonía móbil non nos permite chamar a móbiles de outras compañías telefónicas.

¿QUE É JABBER(XMPP)?
É un protocolo, sistema de chat, coma MSN, pero que por tódalas ventaxas descubertas enriba (e algunhas máis que citaremos), é libre e aberto.

En Jabber podemos conectarnos con calquer programa que dispoña de soporte para o protocolo XMPP. Jabber non nos impón contrato ningún que nos bloquee a empregar un cliente específico. Símplemente se algo non che agrada dun programa, podes empregar outro.
Tamén podes crear e unirte a salas de charla (Chats). Aínda que con MSN pódese facer o mesmo, non dispós de roles de administración, se alguen molesta non o podes botar...


¿HAI CARACTERÍSTICAS DE MSN QUE INCORPORA JABBER?
Por suposto:
  1. Podes poñerte unha mesaxe persoal, avatar, e ata incluso editar unha tarxeta persoal personalizada con datos persoais (se queres).
  2. Podes enviar arquivos.
  3. Podes usar clientes web, aínda que estén mais limitados cá os programas instalables, para unha emerxencia poden valer.
  4. Podes falarlle a un contacto desconectado, que verá as mesaxes que lle enviaches cando se conecte.
¿COMO CREOME UNHA CONTA JABBER?
En primeiro lugar necesitarás unha conta Jabber, ou JabberID. Dispós de moitísimos servidores, podes elixir o que máis che veña en gana, coma por exemplo Jabberes.org ou Jabber-hispano.org, así coma Gmail. Non importa cal elixas, son compatibles todos eles entre si.
Despois necesitarás un programa, o máis empregado tal vez sexa Psi, aínda que hay moitísimos máis, coma Pidgin (multiprotocolo, podes ter varias contas de varios protocolos abertos á vez).
FONTE

martes, 16 de junio de 2009

A NOSA REVISTA



Xa saíu o Nº 19 da nosa revista «MANDA CARALLO» que é un número especial dado que estamos de aniversario. O IES Carlos Casares de Vigo cumpre 25 anos!

O índice é como segue. Só tes que pinchar en cada apartado para velo.



ÍNDICE.

lunes, 8 de junio de 2009

INTERCAMBIO EPISTOLAR CO IES 12 DE OUTUBRO DE OURENSE



Este curso, como xa vén sendo habitual, o Equipo de Normalización e Dinamización Lingüística (ENDL) do noso centro organizou un intercambio epistolar, nesta ocasión co IES 12 DE OUTUBRO de Ourense. A actividade organizouse para o nivel de 3º da ESO, para os grupos A, B e C. Desde o comezo de curso comezou este alumnado a escribirse cartas "tradicionais" enviadas por correo postal con alumnado do devandito centro de Ourense; primeiro houbo presentacións e logo xa se mantivo unha relación epistolar regular con envíos e respostas cada 3 ou 4 semanas.
Había que poñer o ramo a esta actividade e que mellor maneira que ir visitar o centro de Ourense e que logo eles veñan visitarnos a nós.
Pois ben este pasado xoves fomos invitados nós ao instituto de Ourense.
Primeiro recibiunos a súa directora, deunos a benvida e logo nos recibiron os alumnos cos que nos carteamos, ofrecéndonos eles mesmos unha sesión de baile moderno, moi inspirado no reality "Fama".
Logo fixemos un percorrido polo centro histórico de Ourense guiados polos propios alumnos orensáns.
Tivemos un día moi apracible, con pouco sol, cousa que é de agradecer nestas épocas en Ourense.
Posteriormente leváronnos a unhas
termas, as de Outariz, e alí comimos fraternalmente todos os alumnos, alumnas profes e profas dos dous institutos. Pola tarde recompuxemos os nosos corpos entrando e saíndo das pozas de auga quente e fría. Quedamos todos moi relaxados, preparadiños para estudar os exames finais que se aveciñan.


Ourense, venres 4 de xuño de 2009. Leandro García Bugarín.


miércoles, 3 de junio de 2009

NOVOS TÍTULOS DE GRAO

A Universidade de Vigo ven de publicar os novos títulos de GRAO para o curso 2009-2010.
Pódelos consultar AQUÍ

lunes, 1 de junio de 2009

PREMIOS EDUCACIÓN VIAL


Outra vez alumnos (desta vez alumnas) do IES Carlos Casares de Vigo reciben premios do Concurso de Educación Vial convocado polo Concello de Lugo. Patricia Barreiro Rodríguez recibiu o 1º Premio da súa categoría e Teresa García González un meritoso Accesit. As dúas alumnas son de 3º A e unhas excelentes debuxantes e deseñadoras. Noraboa, e a preparar o concurso do próximo ano! En varios periódicos sae a noticia. Póñovos este enlace co Progrerso de Lugo xa que é alí onde se convoca o premio.

jueves, 21 de mayo de 2009

REMATA O CURSO... INFÓRMATE!


Estamos a piques a rematar o curso e moitos tendes que tomar unha decisión importante cara o voso futuro. Non deixedes de preguntar todo aquelo que pensedes que vos pode axudar para tomar esa decisión. O Departamento de Orientación, por medio do Orientador vaivos informar de xeito xeral, pero logo cada un de vós se tendes algunha dúbida debedes achegarvos ó Departamento de Orientación. Alí vanvos axudar. Tamén tes algúns sitios en INTERNET onde podes conseguir informacións.
KEKIERO é un deles. Entra e verás.
- Poderás atopar información sobre as probas de acceso a FP.
- Tamén sobre a nova SELECTIVIDADE.
- Se estás en 4º sobre a toma de decisións.
- Se estás en 3º debes coñecer as opcións de 4º.

martes, 19 de mayo de 2009

DIA DAS LETRAS GALEGAS

Como cada ano, os alumnos do IES CARLOS CASARES participaron activamente na cartelería do DÍA DAS LETRAS GALEGAS. Aí están os seus traballos. Obtiveron o 1º Premio. Pero seguro que o Xurado tivo problemas para escoller o mellor dada a alta calidade de tódolos traballos. Noraboa.
video

lunes, 18 de mayo de 2009

EXALUMNOS



















Hoxe, día 18 de maio, 11 exalumnos do IES CARLOS CASARES viñeron a contarnos as súas experiencias na Universidade. O elenco era variopinto. Unha alumna de Bioloxía, outra de Arquitectura, outra de Farmacia, outra de Traducción e Interpretación, outra de Enxeñería de Minas, un alumno de Educación Social, outro de Fisioterapia, outro de Mediciña (que este ano comeza xa o MIR), unha alumna de Historia, outra de Administración e Dirección de Empresas e outra de Dereito Económico. Todos están estudiando arreo, algúns xa están rematando. Uns están en Santiago, outros en Ourense, outros en Pontevedra, unha alumna está en Madrid e outros están en Vigo. As súas experiencias son todas únicas e marabillosas. ¡Que ledicia velos aquí, agora, contándonos como lles vai! Os nosos alumnos escoitaron atentamente e tomaron boa nota, seguro. Os profesores, estamos orgullosos de eles. Gracias por vir e por contarnos a vosa vida...



miércoles, 13 de mayo de 2009

ACTIVIDADE AULAFORO. Buitrago de Lozoya


O I.E.S. Carlos Casares de Vigo participou durante o curso 2008/2009 cun grupo de 1º ESO nunha actividade promovida pola obra social de Cajamadrid denominada Aulaforo, que ten como finalidade promover o debate e a participación democrática nos centros educativos sobre determinados temas de interese. Este ano o tema proposto foi a problemática da auga para o ser humano e o medio ambiente.

As actividades desenvolvéronse en distintas fases:

-Previa: votacións inicial e final entre o alumnado do grupo, enquisas, debates na aula, marcha da auga, publicar noticias e actividaes realizadas na web de Aulaforo.

-Encontro en Buitrago de Lozoya: tivo lugar entre os días 8 e 10 de maio. Nel houbo debate en grupo e pequenos grupos sobre a temática da auga (recurso, escaseza, contaminación, depuración, etc), e elaborouse a Declaración Sobre a Auga, á que se lle deu lectura no Parque do Retiro madrileño.

-Posterior: difusión da actividade e da Declaración nos centros, prensa, etc.


martes, 5 de mayo de 2009

DEBATE SOBRE INMIGRACIÓN


Os nosos alumnos do IES CARLOS CASARES, xunto con compañeiros do IES República Oriental do Uruguay e do Centro S. José da Guía, convertéronse en Concelleiros e debatiron sobre temas de inmigración, facendo propostas dignas dos nosos mellores ediles. Podedes ler a noticia en Faro de Vigo. Noraboa para estes futuros dirixentes da nosa comunidade. Creo que imos estar en boas mans.

martes, 28 de abril de 2009

LECTURA MULTILINGÜE DO QUIJOTE

A Comunidade Educativa do IES Carlos Casares de Vigo (alumnos, ex-alumnos, profesores, personal non docente) dedicaron unha parte da xornada 24 de abril a ler publicamente o Quixote en 11 linguas diferentes (castelán, galego, catalán, portugués, francés, inglés, alemán, gaélico, xaponés, turco, italiano). É un pequeno homenaxe que desde o noso Instituto lle quixemos facer ás letras, ó libro, no día en que se celebra o aniversario do falecemento de Cervantes. O evento estivo organizado polo Departamento de Lingua e Literatura Castelá do Instituto e pola xefa do mesmo Magdalena Aguinaga. Podedes ler a noticia máis ampliada en Faro de Vigo.
video

lunes, 27 de abril de 2009

A VIAXE A PARIS

GALERÍA DE FOTOS: se pinchas en cada foto, pódela ver máis grande.










viernes, 24 de abril de 2009

Por qué utilizar Linux

Hoxe día, a meirande parte dos ordenadores persoais inclúen o sistema operativo WINDOWS preinstalado. Pero existe Linux, que é moi ventaxoso frente a Windows:

  • É GRATUITO: a gran parte das distribucións de Linux son gratuítas, e poden ser descargadas legalmente dos respectivos lugares oficiais da distribución, onde están subidas as imaxes de CD. E, aínda que existen distribucións de pago, non necesariamente son mellores cás gratuítas; son excepcións para empresas, grandes servicios de servidores, etc. Unha licencia de Windows custa tranquilamente uns 200/300€ e subindo, só que cando mercamos un ordenador con Windows o prezo da licencia xa ven incluído no prezo final e non decatámonos do que custa.
  • NON TEN RESTRICCIÓNS: cando un usuario cambia de ordenador, non pode cambiar a licencia de Windows, MS Office, etc... dun equipo a outro. Nen sequera pode ser lugar de agasallo a ninguén. Microsoft coas licencias de software impón quen o emprega, en que ordenador o emprega, para que o emprega, e moitas outras restriccións enloquecedoras.
  • NON TEN VIRUS: en Windows a palabra "virus" é unha das máis escoitadas. Outra cousa na que hai que gastar diñeiro, "nun bo antivirus". En cambio, Linux non ten prácticamente nada de virus, e é totalmente seguro. Non existen os antivirus, sóamente algún que outro pequeno cortafogos que soe estar incluído na maioría das distribucións.
  • É LIBRE: unha das cousas que ten de ventaxoso Linux é que é libre. Que quere isto dicir? Que calquera que o desexe pode modificar o código fonte de Linux para crear novas distribucións (actualmente hai activas máis de 140 distribucións de Linux). Tamén é froito disto que as distribucións medren tan rápidamente: moita xente traballa modificando o código das distribucións para así facer que éstas medren rápidamente. En Windows ver o seu código non é legal en ninguna das súas formas, polo que non podemos qué é o que fai ou deixa de facer Windows "por dentro".
  • É ESTABLE E RÁPIDO: Linux ten un código fonte "limpo"; o de Windows está sucio e ocupa moito espazo. Hai distribucións de Linux totalmente funcionais que ocupan moi pouco espazo comparado con Windows, e xa teñen multitude de programas preinstalados. Tamén existen distribucións de Linux que son lixeiras e modernas á vez; é dicir, nun ordenador antigo asegurámonos de instalar un sistema que sea moderno e funcione nel á vez.
Mac-OS tamén se asemella a Linux polo citado, pero Linux é o único gratuíto.

martes, 21 de abril de 2009

O VIAXE A MADRID

Galería de fotos: se pinchas en cada foto, pódela ver en grande.