FALADOIRO SOBRE CARLOS CASARES

O colofón das actividades programadas con motivo do X CABODANO DE CARLOS CASARES no mes de marzo levouse a cabo no noso auditorio e consistiu nun FALADOIRO que organizou a Fundación Carlos Casares en colaboración coa Comisión de Normalización Lingüística do centro arredor da figura do autor e no que interviñeron, KRISTINA BERG, viúva do autor e presidenta da Fundación Carlos Casares; GUSTAVO ADOLFO GARRIDO, director xerente da Fundación Carlos Casares e membro do Consello de Redacción da revista GRIAL na etapa de Carlos Casares; autor e director da colección "Galicia no espello" da Editorial Galaxia; MARÍA ELENA CENTOIRA LÓPEZ, licenciada en Filoloxía Inglesa pola USC, mestrado en Tradución e Paratradución na UVigo, ten investigado a figura de Carlos Casares como mediador cultural, no contexto dos esforzos do galeguismo a prol da internacionalización da cultura galega; e ANTONIO MONTERO CARRO, amigo do autor, foi director de Operacións e Investigación de Laboratorios Zeltia S. A., en 1998; con Carlos Casares no Consello da Cultura Galega, encargouse da xerencia da institución, mantendo o cargo ata decembro de 2006, pasando logo a ser director de xestión do Museo de Pontevedra. Paralelamente, puxo en marcha as fundacións de Wenceslao Fernández Flórez (1998) e mais a Illa Couto (2006). Compañeiro de traballo, como xerente, no Consello da Cultura Galega.