Organizado polo Departamento de Inglés, en colaboración coa Comisión de Normalización Lingüística, os alumnos e alumnas de 3º e 4º da ESO, xunto con 1º e 2º de Bacharelato, puidemos disfrutar dunha sesión de contacontos en inglés no auditorio do noso instituto. A parella bilingüe (TIM BOWLEY e CHARO PITA)
visitounos un ano máis para ofrecernos un espectáculo agradable cun toque cómico. O curioso do asunto é que mentres que TIM conta unas divertidas historias en inglés, CHARO tradúceas ao galego (para sorte de moitos). Foi unha actividade bastante divertida pois escenifican e dramatizan moito as súas narracións, acompáñanas de sons e xestos que fixeron que entendésemos mellor os relatos sobre meigas, príncipes e reis ou paxaros que queren ser algo máis que simples paxaros. Todo iso, claro está, á vez que practicamos o idioma. Sinceramente, foron fantásticos!
CANDELA CRESPO CASTRO (2º BACH D)
YAGO GUIRADO RODRÍGUEZ (2º BACH E)
No hay comentarios:
Publicar un comentario