A illa do
tesouro é unha obra de teatro baseada na novela de aventuras de Robert Louis
Stevenson. Serviu de inspiración no cine, na televisión, en cómics e incluso en
videoxogos.
A obra foi representada por catro actores que facían dous papeis cada un,
tres homes e unha muller, que interpretaba a Jim, o principal protagonista.
Entre escena e escena, intercaláronse números musicais, onde cada actor cantaba
sobre o que estaba a pasar ou o que ía acontecer.
Ao teatro acudiron os cursos de 1º e 2º da ESO. Representouse no cine
Salesianos, e tratou dun rapaz, Jim, que traballaba co seu pai nunha cantina
próxima ao porto, na que un día entra un pirata ferido, cun cofre na man. Jim e
o seu amigo, un doutor con moitos contactos na vila, embarcáranse, grazas á súa
amizade co alcalde, para buscar o tesouro sinalado no mapa que había no pequeno
baúl. Cando chegan á illa teñen que enfrontarse á súa propia tripulación, pero
coa axuda dun antigo pirata que quedara gardando o tesouro, conseguen despistar
os amotinados e quedar co diñeiro do tesouro.
SARA FERNÁNDEZ COSTAS (2º ESO A)
No hay comentarios:
Publicar un comentario