jueves, 7 de junio de 2012

UN CLÁSICO: 1os. BACHARELATO EN BARCELONA









Á volta das vacacións de Semana Santa, a conta atrás chegara ó seu fin e moitos dos alumnos de primeiro de bacharelato partimos cara a Barcelona. Todos tiñamos moitas ganas de visitar a cidade condal e de comprobar os rumores da festa que alí prometen. Visitamos cantidade de museos como o Museo de Dalí, o, o Museo Picasso e o Museo da Ciencia, así como o Camp Nou. As visitas ós museos non eran o que máis nos apetecía, pero polo xeral gustáronnos moito. O venres fomos a Port Aventura e creo que coincidimos con que foi das mellores visitas. Pasamos case todo o día alí e disfrutamos de moitas das atracción, en fin, iso os que non eran uns “cagóns”. Moitos de nós disfrutamos tamén das tendas que a cidade ofrece, que non son poucas e incluso fomos a un centro comercial que abría os domingos. Aínda que creo que todos estamos de acordo en que unha das mellores cousas do viaxe foron as noites, tanto no hotel como no porto da cidade, onde bailamos e disfrutamos da música e do ambiente xunto con algúns dos profesores. Ó final da viaxe estabamos todos mortos e sen sentir os pés, pero non queriamos marchar. Así que volvemos a Vigo coma sempre, con moi poucas ganas de rutina.

Grazas a Almudena, Leopoldo e mais a Rosa por nos acompañar na viaxe.

NAHIR MACEIRA CRESPO (1º BACH)

No hay comentarios: